આજથી લાગુ થશે નવી ‘ઓટો ડેબિટ પેમેન્ટ સિસ્ટમ’, ડિફોલ્ટથી બચવા માટે આ વાતો રાખો ધ્યાનમાં

Match 45 – 1 Oct 2021, Fri up
next

19:30 IST – Dubai International Cricket Stadium, Dubai

Match 46 – 2 Oct 2021, Sat up
next

15:30 IST – Sharjah Cricket Stadium, Sharjah

Match 47 – 2 Oct 2021, Sat up
next

19:30 IST – Sheikh Zayed Stadium, Abu Dhabi

Match 48 – 3 Oct 2021, Sun up
next

15:30 IST – Sharjah Cricket Stadium, Sharjah

ઓટો ડેબિટ પેમેન્ટ સિસ્ટમમાં આ ફેરફાર તે ગ્રાહકો માટે મહત્વપૂર્ણ છે જે ડેબિટ કાર્ડનો ઉપયોગ તેમના બીલ અથવા હપ્તા ભરવા માટે કરે છે.

changes in auto debit payment system rules from today avoid defaulting by keeping these things in mind

પ્રતિકાત્મક તસવીર

કામની વાતઃ આજથી ઓટો ડેબિટ પેમેન્ટ સિસ્ટમના નિયમોમાં મોટો ફેરફાર થવા જઈ રહ્યો છે. હવે ઓટો ડેબિટ દ્વારા તમારા ખાતામાંથી કોઈપણ બિલ અથવા હપ્તાની રકમ કાપતા પહેલા, બેન્કો અને અન્ય ડિજિટલ પ્લેટફોર્મ્સે પહેલા તમારી પાસેથી પરવાનગી લેવી પડશે. ભારતીય રિઝર્વ બેંક (RBI) એ આજથી ઓટો ડેબિટ પેમેન્ટ સિસ્ટમના નવા નિયમ લાગુ કરવા માટે સૂચના આપી હતી. આ સાથે, તમામ બેંકો અને ડિજિટલ પ્લેટફોર્મ્સને પણ આજથી તેમની સિસ્ટમોમાં ફેરફાર કરવાની સૂચના આપવામાં આવી હતી. જો કોઈ આ ન કરે તો તેની સામે કડક પગલાં લઈ શકાય છે.

ઓટો ડેબિટ પેમેન્ટ સિસ્ટમમાં આ ફેરફાર તે ગ્રાહકો માટે મહત્વપૂર્ણ છે જે ડેબિટ કાર્ડનો ઉપયોગ તેમના બીલ અથવા હપ્તા ભરવા માટે કરે છે. નવી ડેબિટ પેમેન્ટ સિસ્ટમ મુજબ હવે બેન્કો અને ફોનપે જેવા ડિજિટલ પ્લેટફોર્મ, પેટીએમે હપ્તા અથવા બિલ કાપતા પહેલા તમારી પાસેથી પરવાનગી લેવી પડશે. આ ઉપરાંત, 5 હજારથી વધુની ચુકવણી કરતા પહેલા ગ્રાહકોએ તેને ઓટીપી દ્વારા માન્ય કરવાની જરૂર રહેશે. આ નિયમ સ્થાનિક અને આંતરરાષ્ટ્રીય તમામ ક્રેડિટ અને ડેબિટ કાર્ડ પર લાગુ થશે.

ડિફોલ્ટ ટાળવા માટે ગ્રાહકોએ આ બાબતોને ધ્યાનમાં રાખવી જોઈએ

તમામ બેંકોએ નિયમોમાં આ ફેરફારો વિશે તેમના ગ્રાહકોને જાણ કરવાનું શરૂ કર્યું છે. ઘણી બેંકોએ ડિજિટલ પ્લેટફોર્મ પર ચુકવણી કરતા પહેલા પરવાનગીની સુવિધા ઉમેરી છે. બેંકો ડિજિટલ પ્લેટફોર્મ અને વેપારીઓની આ યાદી તેમની વેબસાઇટ પર પ્રકાશિત કરશે. ગ્રાહકોએ હવે અહીં રજિસ્ટ્રેશન કરાવવું પડશે. આ સાથે, તેઓએ ઓટો ડેબિટની મહત્તમ રકમ અને માન્યતા અવધિ વિશે માહિતી આપવી પડશે. 5000 રૂપિયા કરતાં વધાની રકમની દરેક ચુકવણી માટે ગ્રાહકે ટ્રાન્ઝેક્શન કરતા પહેલા ઓટીપી દ્વારા તેની ચકાસણી કરવી પડશે. જો કે, 5000 રૂપિયાથી ઓછી રકમ માટે તેની જરૂર રહેશે નહીં.

ઓટો ડેબિટ ચુકવણીના 24 કલાક પહેલા, બેંક ચુકવણીની રકમ અને વેપારીને લગતી સૂચના મોકલશે. આ સાથે, તમને એક લિંક પણ મોકલવામાં આવશે, જ્યાં જઈને તમે ચુકવણીની રકમમાં ફેરફાર અથવા રદ કરી શકો છો. જો ગ્રાહકો નોટિફિકેશન પર કોઈ કાર્યવાહી નહીં કરે તો ટ્રાન્ઝેક્શન પૂર્ણ થશે.

ઓટો ડેબિટ સિસ્ટમ શું છે

જ્યારે તમે મોબાઇલ, પાણીના બિલ અને વીજળી વગેરે જેવા બિલ માટે ઓટો ડેબિટ મોડ પસંદ કરો છો, ત્યારે ચોક્કસ તારીખે તમારા ખાતામાંથી પૈસા કાપવામાં આવે છે. તેને ઓટો ડેબિટ પેમેન્ટ સિસ્ટમ કહેવામાં આવે છે.

નવી ઓટો ડેબિટ સિસ્ટમનો મુખ્ય ઉદ્દેશ છેતરપિંડી અટકાવવાનો છે. ડિજિટલ પેમેન્ટ પ્લેટફોર્મ અથવા બેન્કો ગ્રાહક પાસેથી પરવાનગી લીધા પછી કોઈપણ માહિતી આપ્યા વગર દર મહિને ગ્રાહકના ખાતામાંથી કપાત કરે છે. આના કારણે છેતરપિંડી થવાની સંભાવના છે. આ સમસ્યાને દૂર કરવા માટે આ મહત્વનો ફેરફાર કરવામાં આવ્યો છે.


Tags:
debit card
rbi
Kaam Ki Baat
auto-debit payment system