ભારતે પાકને દાઉદ અને આતંકવાદ મુદ્દે UNમાં ઘેર્યું

india-news
|

August 08, 2020, 11:42 AM


India besieged Pakistan in the UN over Dawood and terrorism.jpg

vyaapaarsamachar.com

નવી દિલ્હી : ભારતે યુએન સિક્યુરિટી કાઉન્સિલને કહ્યું હતું કે, 1993ના મુંબઈ વિસ્ફોટોના મુખ્ય કાવતરાખોર દાઉદ ઇબ્રાહિમ અને સંયુક્ત રાષ્ટ્ર દ્વારા ઘોષિત કરાયેલા અન્ય આતંકીઓ પડોશી દેશોના “સંરક્ષણ” હેઠળ છે. ભારતે ભાગેડુ કુખ્યાત ગુનેગારો અને લશ્કર-એ-તૈયબા અને જૈશ-એ-મોહમ્મદ જેવા આતંકવાદી સંગઠનો દ્વારા ઉભા થયેલા જોખમને દૂર કરવા આંતરરાષ્ટ્રીય પ્રયાસોની વાત કરી હતી. ભારતે સંયુક્ત રાષ્ટ્રની સુરક્ષા પરિષદમાં “આતંકવાદ અને સંગઠિત ગુના વચ્ચેના સંબંધના મુદ્દાને ઉકેલો” વિષય પર એક ઉચ્ચ-સ્તરની ખુલ્લી ચર્ચામાં તેના નિવેદનમાં આ જણાવ્યું હતું.

ભારતે પોતાના નિવેદનમાં કહ્યું કે, ભારત સીમા પારથી આયોજિત આતંકવાદથી પીડિત રહ્યુ છે. અમે બે દેશો વચ્ચે સંગઠિત ગુનાઓ અને આતંકવાદીઓ વચ્ચેના સંબંધોના દ્વંશને પ્રત્યક્ષ રીતે સહન કર્યુ છે.’ આમાં કહેવામાં આવ્યું છે કે, સંગઠિત અપરાધી સિન્ડીકેટ, ડી કંપની, જે સોના અને નકલી નોટોની તસ્કરી કરતી હતી. જે રાતો રાત આતંકવાદી સંગઠનોમાં બદલાઈ ગયું છે અને તેણે 1993માં મુંબઈ શહેરના સિલસિલેવાર વિસ્ફોટ કરાવ્યા છે. આ હુમલામાં 250થી વધારે નિર્દોષોના મોત થયા છે. લાખો કરોડો ડૉલરની સંપતિને નુકશાન થયું છે.

નિવેદનમાં કોઈ દેશના નામ લીધા વગર ભારતે કહ્યું કે મુંબઈ વિસ્ફોટોનો જવાબદાર એક પડોશી દેશોની રહેમ નજર હેઠળ છે. એમાં કોઈ આશ્ચર્યની વાત નથી. તે અનેક જગ્યાએ હથિયારોની તસ્કરી, નશીલા પદાર્થોનો વ્યાપાર, સંયુક્ત રાષ્ટ્ર દ્વારા જાહેર આતંકવાદી અને આતંકવાદી સંગઠનોનો ગઢ છે. ઇસ્લામિક સ્ટેટ સામે સંયુક્ત કાર્યવાહીની સફળતાને દોરતા ભારતે કહ્યું કે આંતરરાષ્ટ્રીય સમુદાય આવી કાર્યવાહી કરવામાં સફળ થયા છે. નિવેદનમાં ભારતે કહ્યું છે કે પ્રતિબંધિત વ્યક્તિઓ અને દાઉદ અને ડી-કંપની, લશ્કર-એ-તૈયબા અને જૈશ-એ-મોહમ્મદ જેવા સંગઠનો સામે આવી કાર્યવાહીથી માનવતાના હિતમાં છે.

Web Title: In UNSC, India besieged Pakistan on terrorism and Dawood issue