વીવો આ વર્ષે IPLની ટાઈટલ પ્રયોજક નહિં હોય: BCCI

cricket-news-india
|

August 06, 2020, 4:34 PM


Vivo won't sponsor IPL title this year BCCI.jpg

vyaapaarsamachar.com

નવી દિલ્હી: ભારત અને ચીન વચ્ચે વધી રહેલા તણાવ વચ્ચે ભારતીય ક્રિકેટ બોર્ડ (BCCI) એ ગુરુવારે ચાઇનીઝ મોબાઇલ ફોન કંપની વિવો સાથે ઈન્ડિયન પ્રીમિયર લીગ (IPL) ની આગામી સીઝન માટે ટાઇટલ સ્પોન્સરશિપ કરાર સ્થગિત કર્યો છે.

બીસીસીઆઈએ એક લાઇનનું નિવેદન મોકલ્યું હતું જેમાં કોઈ વિગતવાર માહિતી આપવામાં આવી નથી અને કહ્યું કે વિવો આ વર્ષે આઈપીએલ સાથે જોડાશે નહીં. પ્રેસ રિલીઝ અનુસાર, બીસીસીઆઈ અને વીવો મોબાઇલ ઇન્ડિયા પ્રાઈવેટ લિમિટેડે 2020માં ઈન્ડિયન પ્રીમિયર લીગ માટે તેમની ભાગીદારી સ્થગિત કરવાનો નિર્ણય લીધો છે.

વિવોએ 2018 થી 2022 સુધીના પાંચ વર્ષ માટે 2190 કરોડ રૂપિયા (દર વર્ષે આશરે 440 કરોડ રૂપિયા) આઇપીએલના પ્રાયોજક અધિકાર મેળવ્યાં હતાં. બીસીસીઆઈના પોતાના બંધારણ મુજબ નવા ટાઇટલ સ્પોન્સર માટેની ટેન્ડર પ્રક્રિયા શરૂ થવાની સંભાવના છે. આઈપીએલ યુએઇમાં 19 સપ્ટેમ્બરથી શરૂ થશે, જે ભારતમાં વધી રહેલા કોવિડ -19 કેસોને કારણે વિદેશમાં યોજાશે.

Web Title: BCCI and Vivo have decided to suspend their partnership for IPL in 2020: