Stock Market Today: શેરબજારમાં શાનદાર રિકવરી, સેન્સેક્સ 635 પોઈન્ટ વધીને 53,550ને પાર, નિફ્ટી 16,000 ઉપર

  • હોમ
  • સમાચાર
    &nbsp/ બિઝનેસ

  • Stock Market Today: શેરબજારમાં શાનદાર રિકવરી, સેન્સેક્સ 635 પોઈન્ટ વધીને 53,550ને પાર, નિફ્ટી 16,000 ઉપર

બજારમાં આજે ચોતરફ ખરીદી જોવા મળી રહી છે. બેન્કો અને નાણાકીય ઇન્ડેક્સ 1 ટકા મજબૂત દેખાઈ રહ્યા છે.

By: gujarati.abplive.com | Published : 13 May 2022 09:40 AM (IST)|Updated : 13 May 2022 09:40 AM (IST)

Stock Market Today 13 May, 2022: Sensex rose 635 points to open at 53,565, Nifty above 16,000

પ્રતિકાત્મક તસવીર

Stock Market Opening: ગઈકાલના જોરદાર ઘટાડા બાદ આજે શેરબજારમાં શાનદાર રિકવરી જોવા મળી રહી છે. શેરબજારમાં આજ જોરદાર તેજી સાથે શરૂઆત થઈ છે. શરૂઆતમાં સેન્સેક્સમાં 650 પોઈન્ટનો ઉછાળો જોવા મળી રહ્યો છે અને તે 53550ના સ્તરને પાર કરી ગયો છે.

કેવી રીતે ખુલ્યું બજાર

આજના કારોબારમાં BSE સેન્સેક્સ 635.43 પોઈન્ટ્સ અથવા 1.20 ટકાના વધારા સાથે 53,565.74 પર ખૂલ્યો હતો અને NSEનો 50 શેરનો ઈન્ડેક્સ નિફ્ટી 169 પોઈન્ટ્સ અથવા 1.07 ટકાના વધારા સાથે 15977ના સ્તરે ખૂલ્યો હતો.

નિફ્ટીની ચાલ

બજાર ખુલ્યાની 10 મિનિટમાં જ નિફ્ટી 16,000ના સ્તરને સ્પર્શી ગયો છે અને તે 194.30 પોઈન્ટ અથવા 1.24 ટકાના ઉછાળા સાથે 16002ના સ્તરે ટ્રેડ થઈ રહ્યો છે. નિફ્ટીના 50 શેરોમાંથી 47 શેરો તેજીના લીલા નિશાનમાં ટ્રેડ થઈ રહ્યા છે અને માત્ર 3 શેરોમાં ઘટાડો છે. બેન્ક નિફ્ટી 382.90 પોઈન્ટ્સ અથવા 1.16 ટકાના વધારા સાથે 33,921ની ઉપરના સ્તર પર કારોબાર કરી રહ્યો છે.

તમામ ઇન્ડેક્સમાં તેજી

બજારમાં આજે ચોતરફ ખરીદી જોવા મળી રહી છે. બેન્કો અને નાણાકીય ઇન્ડેક્સ 1 ટકા મજબૂત દેખાઈ રહ્યા છે. ઓટો અને એફએમસીજી સૂચકાંકો 1 ટકાથી વધુ વધી રહ્યા છે, જ્યારે આઈટી ઇન્ડેક્સ લગભગ 1 ટકાની મજબૂતાઈ દર્શાવે છે. મેટલ અને રિયલ્ટી ઈન્ડેક્સ 2 ટકા વધ્યા હતા. તે જ સમયે, ફાર્મા ઇન્ડેક્સ પણ લગભગ 2 ટકા ઉપર છે. હાલમાં સેન્સેક્સમાં 501 પોઈન્ટની મજબૂતી છે અને તે 53432 ના સ્તર પર કારોબાર કરી રહ્યો છે. બીજી તરફ નિફ્ટી 168 પોઈન્ટ વધીને 15976ના સ્તરે ટ્રેડ થઈ રહ્યો છે.

હેવીવેઇટ શેરોમાં સારી ખરીદી. સેન્સેક્સ 30ના 26 શેર લીલા નિશાનમાં ટ્રેડ થઈ રહ્યા છે. આજના ટોપ ગેનર્સમાં SUNPHARMA, BAJFINANCE, TITAN, BAJAJFINSV, M&M અને રિલાયન્સનો સમાવેશ થાય છે.

બ્રેન્ટ ક્રૂડમાં વધારો

વૈશ્વિક સંકેતોની વાત કરીએ તો, આજના કારોબારમાં, SGX નિફ્ટી સહિત મુખ્ય એશિયન બજારોમાં સારી વૃદ્ધિ જોવા મળી રહી છે. બીજી તરફ ગુરુવારે અમેરિકી બજારોમાં દબાણ જોવા મળ્યું હતું. બ્રેન્ટ ક્રૂડમાં થોડો વધારો જોવા મળી રહ્યો છે. બ્રેન્ટ પ્રતિ બેરલ 109 ડોલરની નજીક ટ્રેડ કરી રહ્યું છે. જ્યારે યુએસ ક્રૂડ પ્રતિ બેરલ 107.50 ડોલરની નજીક છે. જ્યારે યુએસમાં 10-વર્ષના બોન્ડની યીલ્ડ 2.886 ટકા છે.


Tags:
nifty
sensex
Stock market
BSE
Stock Market Today
Stock Market News



આ વેબસાઇટ કૂકીઝ અથવા સમાન ટેકનોલોજીનો ઉપયોગ બ્રાઉઝિંગ અનુભવને વધારવા અને વ્યક્તિગત કરેલી ભલામણોના આધારે કરે છે. અમારી વેબસાઇટનો ઉપયોગ ચાલુ રાખીને તમે અમારી ગોપનીયતા નીતિ સાથે સહમત થાવ છો.