Stock Market Today: શેરબજાર મોટા કડાકો, સેન્સેક્સ 600 પોઈન્ટ ઘટીને 56500 નીચે, નિફ્ટી 150 પોઈન્ટ ડાઉન

આજે બજારની શરૂઆત 1 ટકાથી વધુના ઘટાડા સાથે થઈ છે અને સેન્સેક્સ 631 પોઈન્ટ એટલે કે 1.11 ટકાના ઘટાડા સાથે 56,429.45 પર ખુલ્યો છે.

Stock Market Today: શેરબજારમાં આજે કડાકા સાથે શરૂઆત થઈ છે. ફેડની નીતિવિષયક જાહેરાત પહેલા અમેરિકી બજારોમાં પણ મોટો ઘટાડો જોવા મળ્યો હતો અને તેના કારણે ભારતીય બજારમાં આજે કડાકા સાથે શરૂઆત થઈ છે.

કેવી રીતે ખુલ્યું બજાર

આજે બજારની શરૂઆત 1 ટકાથી વધુના ઘટાડા સાથે થઈ છે અને સેન્સેક્સ 631 પોઈન્ટ એટલે કે 1.11 ટકાના ઘટાડા સાથે 56,429.45 પર ખુલ્યો છે. NSEનો નિફ્ટી 178 પોઈન્ટ અથવા 1.04 ટકાના ઘટાડા સાથે 16,924.45 પર ખુલ્યો હતો.

બીએસઈના મિડકેપ અને સ્મોલ કેપમાં 100થી વધુ પોઈન્ટનો ઘટાડો છે. મિડ-કેપમાં, યસ બેંક, ક્રિસિલ, વરુણ બેવરેજ, બજાજ હોલ્ડિંગ અને બાયોકોન નફાકારક છે, જ્યારે ક્લીન, ટાટા કોમ્યુનિકેશન્સ, એબી કેપિટલ, અપોલો હોસ્પિટલ્સ, ઓઇલ, જિંદાલ સ્ટીલ, માઇન્ડ ટ્રી, અશોક લે લેન્ડ અને જેએસડબ્લ્યુ એનર્જી ઘટેલા છે. સ્મોલ કેપમાં ટાટા કેમિકલ્સ, ગોકુલ એગ્રો, કેન ફિન હોમ્સ, મેન ઈન્ડસ્ટ્રીઝમાં ઉછાળો છે. 

બજારમાં ચોતરફ વેચવાલી જોવા મળી રહી છે. ઓટો, આઈટી અને મેટલ શેરોમાં સૌથી વધુ નબળાઈ જોવા મળી રહી છે. નિફ્ટી પરના ત્રણેય સૂચકાંકો 1 ટકાથી વધુ નબળા પડ્યા છે. નાણાકીય સૂચકાંક અડધા ટકાથી વધુ નીચે છે, જ્યારે બેન્ક શેરો પણ દબાણ હેઠળ છે.

FMCG, ફાર્મા અને રિયલ્ટી ઇન્ડેક્સ પણ લાલ નિશાનમાં છે. હેવીવેઈટ શેરોમાં પણ વેચવાલી થઈ રહી છે. સેન્સેક્સ 30ના 24 શેર નબળા દેખાઈ રહ્યા છે. આજના ટોપ લુઝર્સમાં TITAN, ASIANPAINT, SUNPHARMA, BAJFINANCE, BAJAJFINSV અને મારુતિનો સમાવેશ થાય છે. જ્યારે ટોપ ગેઇનર્સમાં INDUSINDBK, NTPC અને AXISBANKનો સમાવેશ થાય છે.

બ્રેન્ટ ક્રૂડમાં થોડી નરમાઈ જોવા મળી રહી છે. આંતરરાષ્ટ્રીય બજારમાં ક્રૂડ 106 ડોલર પ્રતિ બેરલના ભાવે કારોબાર કરી રહ્યું છે. જ્યારે યુએસ ક્રૂડ 104 ડોલર પ્રતિ બેરલ પર છે. બીજી તરફ, યુએસમાં 10-વર્ષના બોન્ડ યીલ્ડમાં વધારો થયો છે અને તે 2.938ના સ્તરે આવી ગયો છે. એશિયન બજારોની વાત કરીએ તો SGX નિફ્ટી 1.44 ટકા નીચે છે. જ્યારે નિક્કી 225માં 0.76 ટકા અને કોસ્પીમાં 0.76 ટકા નબળાઈ જોવા મળી રહી છે.